In nomine domini nostri Iesu Christi. Amen. Tertio Ottone imperatore augusto in Italia anno eius secundo, mense martio, indictione decima, feliciter. Notitia qualiter alogo ego dominus Sicardus, venerabilis episcopus sancti Titiani cenetensis ecclesie, una per consensum cum , advocato suo, sic alogamus vobis domino Petro, qui vocatur Ursiolo,^[1] duci Veneticorum, id est omnem et integram medietatem de castro et porto in loco Septimo, iuxta fluvium Liquentiam, idest de castello vel porto in eiusdem loco Septimo,^[2] cum omni pertinentia sua, cum casis et casinariis cum sedimine earum, curtis et hortis et hortaleis et de foris vero cunctis aratoricis, seu vigris, vineis, silvis, ac stellariis, rupis, rupinis, pasco et capulo, erbatico ed escatico, venationibus, piscationibus, cum pensionibus et reditu, sive introitu et exitu suo, cum ingressu et regressu, cum omnia et omnibus, quantum ad medietatem de suprascripto castello et portu, sicut ad me ipsum dominum Sicardum episcopum aut eius episcopium legibus pertinet aut pertinere debet, in libellario a ratione usque ad annos XXVIIII completos, ut exinde annualiter reddere vel persolvere debeatis vos iamdictus dominus Petrus, qui vocatur Orsyolo, dux, vel vestris posteris, qui successores, in suprascripto episcopatu sancti cenitensis [ecclesie] vel mihi suprascripto domino Sicardo episcopo aut ad meos successores oleo libras sexaginta quinque, in eo modo ut, si vos iamdictus dominus Petrus, qui vocatur Ursiolo, vestrique successores post completos XX et annos ipsum libellum renovare volueritis, in vestra sit potestate renovandi, ut nec ego suprascriptus dominus Sicardus episcopus et nullus de meis successoribus vobis domino Petro duci nullis de vestris successoribus iniunctas imponamus, nisi sicut supra legitur, et suprascriptus castellus, et iamdicta medietate de suprascripto portu cum medietate de omni sua pertinentia vel de reditu in vestra sit potestate usque ad prefinitum tempus, et, si vobis iniunctas imponere voluerimus, aut si ab omnibus contradicentibus non defensaverimus, aut si pro malo ingenio ante prefinitum tempus retollere aut subtrahere quesiverimus, aut non renovaverimus, tunc componam ego suprascriptus dominus Sicardus episcopus et meis successoribus vobis suprascripto domino Petro, qui vocatur Ursiolo, dux, vel vestris successoribus pena auri libras X. Et si ego suprascriptus Petrus dux aut mei successores ipsum censum olei, de quo supra legitur, per omnem annum ad sancte ecclesie et vobis Sicardo episcopo vel vestris successoribus, qui per tempora fuerint, non persolverimus, tunc componere promittimus ego suprascriptus Petrus dux vel meis successoribus ad pars de suprascripto episcopatu et eiusdem pontificis duplum ipsum censum olei. Ego Sicardus episcopus a me facta manu mea subscripsi. Signum manus suprascripti Ingelfreddo, advocati eius, qui haec consensit ad omnia suprascripta. Ego Johannes comes manu mea subscripsi. Signum manus Odelberto et Galticherio, vassis Joannis comitis, Gunderigus Azo de Bigontio, Salvio filius, vassis suprascripti, a domino Sicardo episcopo rogatos testes. Ego Oldericus, notarius et judex, hunc rogatus scripsi et post traditum complevi.

NOTE STORICHE