S.T. In nomine domini Dei eterni. Anno ab incarnacione domini nostri Ihesu Christi nongentesimo octogesimo octavo, sub die de mense december, indicione secunda. Ecclesia et monasterio Sancti Angeli qui est edificata in loco qui dicitur Brundolo^[2] ego Dominico filius quonda Roberto,^[3] qui est in vicco Rosaria^[4] et professus sum ex nacione mea lege vivere Romana, donator et offertor ipsius ecclesie seu monasterii presens presentibus dixi. Quisquis in sanctis ac venerabilibus locis ex suis aliquid contulerit rebus, iuxta Auctoris vocem in hoc seculo centuplum accipiet et insuper, quod melius est, vitam possidebit eternam. Ita in eadem ecclesia et monasterio Sancti Angeli dono et offero pro anima mea mercede, id sunt pecie due de terra aratoria et in parte silva et iacent in comitatu Tervisionense et in fine Sacissica, in loco et fundo Caput de Vicco,^[5] qui michi advenit per unam cartulam vendicionis et pro accepto pretio da Iohanne qui dicitur Patavino. Et est prima petia de terra aratoria per mensura iuxta per longo de uno latere perticas XX et octo et de alio latere perticas XX et II. et ex transverso de uno capite perticas tredecim et de alio capite undecim. Qui cernet fines de uno latere et uno capite fossa aiacente, quidem alio latere Martino qui dicitur Zorzani habet et in parte de infrascripta ipsa terra aiacente et de alio capite via percurrente. Secunda petia de terra aratoria ibidem prope est et habet per longo perticas X X et IIIIor. et pedes sex et per transverso de uno capite perticas sex et pedes IIIIor. et de alio capite perticas quatuor. Coheret ei de uno latere infrascripto Martino qui dicitur Zorzani et de alio latere via percurrente, quidem uno capite infrascripta terra quas hic supra legitur aiacente et de alio capite fossa percurrente, si ibique alii sunt coherentes. Que autem infrascripte due petie de terra et in parte silva in eodem loco et fundo superius dictas, una cum accessione et ingreso seu cum superioribus et inferioribus suis qua­liter superius legitur in integrum, ab hac die in edem ecclesia et in eodem monasterio Sancti Angeli dono et offero et per presentem cartulam offersionis ibidem habendum confirmo, faciendum exinde pars ipsius monasterii seu ille abbas et sui successores seu monachi qui ibidem ordinati fuerint et Deo deservierint ad eorum usum et sumptum quicquid voluerint iure proprietario nomine, sine omni mea et heredum meorum contradicione, pro anima mea mercede. Et nec michi liceat ullo tempore nolle quod volui, sed quod a me semel factum vel conscriptum est inviolabiter conservare promitto, cum stipulacione subnixa. Hanc enim cartulam offersionis Iohannes notarius tradidit et scribere rogavi, in qua subter confirmans testibus optuli roborandam. Actum in villa Rosaria feliciter. Signum manibus Bono Castaldio et Dominico filius Auristilla viventes lege Romana testes. Signum manibus Iohannis Cremani et Petro Decano testes. S. T. Ego Iohannes notarius scriptor huius cartule offersionis post traditam complevi et dedi. S. T. Nam et ego Adam notarius et causidicus hoc exemplum ex autentico renovavi ne causa vetustatis consumeretur et quod inibi vidi et legi scripsi, nec auxi nec minui.

NOTE STORICHE