In nomine Domini nostri Jesu Christi, tertius otto, imperator augustus, in Italia anno quinto, indictione XIIII, feliciter.^[1] Libelli locationis qualiter alloco ego dominus Rozo, venerabilis episcopus sancte tarvisianensis ecclesie,^[2] una per consensum Deoprandi, advocati mei, seu universo nostro clero, sic allocavimus vobis domino Petro, qui vocatur Ursyolo, dux Veneticorum atque , ^[3] et vestris heredibus […] tertiam partem de universo toloneo atque ripatico, quod pertinet ad portum de nostra sancta ecclesia,^[4] atque tres mansiones, necnon et tantam terram, quantum suffecerit ad tertiam partem, ad vestras stationes faciendas adversus nostras, quantum vestrates et nostrates illuc negotii convenientes persolvere debeant, excepto solummodo ripatico de illo Teutonicorum, sicut ad me ipsum dominum episcopum vel ad meum episcopatum pertinet aut pertinere debet, in libellario nomine usque ad annos et novem completos ad renovandum. Annualiter persolvere debeatis vos iamdictus dominus Petrus dux infrascripto episcopio tarvisianensi et mihi Rozoni episcopo et successoribus meis bizantios aureos quatuor. Et si ipsos quatuor bizantios tollere, tunc pro ipsis bizantiis dare debeatis de vestris denariis libras duas, ita ut nec ego suprascriptus dominus Rozzus episcopus vel aliquis de meis successoribus vobis domino Petro duci vel vestris heredibus hoc contradicere vel minuere valeamus, vel aliquas iniunctas superponere nisi secundum hoc, quod in isto libello. Insuper addimus atque promittimus haec, ut non amplius quam quadragesimum modium de sale recipere debeamus,^[5] ita quod de omnibus ceteris rebus; de vino vero pro unaquaque angaria denarios quatuor; et vestri homines, venientes ad nostrum portum, defensare promittimus, ita ut illesi et securi eundo et redeundo et in eodem portu morando in omnibus existant. Placuit etiam nobis, ut vestrum gastaldionem,^[6] qui vestra exigere debet et vestros homines distringere, inibi habere sine nostra vel nostrorum omnium contradictione, et de vestro proprio sale nullum unquam teloneum atque ripaticum tollere debeamus usque in modios trecentos. Quod si vobis aliquas iniunctas imponere voluerimus, aut si ab omnibus contradicentibus hominibus vestrates non defendaverimus, vel si pro aliquo ingenio subtrahere vel minuere voluerimus, et omnia, que superius legitur, non observaverimus, tunc componere promittimus cum nostris successoribus vobis domino Petro duci et vestris heredibus argenti libras quinque, et post solutionem hec libelli carta usque ad predictum tempus in sua maneat firmitate. Et si ego suprascriptus dux de predictis bizantiis vel denariis, quod superius legitur, per omnem rotantem annum in mense martii ad partem sancte tarvisiensis ecclesie et vobis domino Rozzo episcopo et vestris successoribus, qui per tempora fuerint, non persolverimus, tunc componere promitto duplum predictum censum, et insuper repromitto, recte te observante omnia, que superius legitur, nun­quam nostris contradicere hominibus ad vestrum portum venire non per me neque per aliquam submissam personam, si ad alios tantum portus istius marchie licentiam habuerint ire atque negotiare. Et si hoc contradixero, componere vobis promitto et vestris successoribus argenti libras . Et post penam solutionis maneat hec pagina in sua firmitate. Ego Rozus episcopus in hac allocatione a me facta manu mea subscripsi. Ego Teuprandus advocatus, consentiens, manu mea subscripsi. Ego Petrus archidiaconus manu mea subscripsi. Ego Ioannes presbiter, primicerius, manu mea subscripsi. Ego Immo presbiter manu mea subscripsi. Signum manus Martini de Charubio, Petrus Buzicha Azo de Tarvisio et Rozo de Ceneta et Azo Romanus, testes. Ego Albericus, notarius rogatus ad suprascripta, qui hanc cartam, qualiter supra legitur, scripsi et post traditam complevi.

NOTE STORICHE