In nomine Domini nostri Ihesu Christi. Regnante domno nostro Ugo rege hic in Italia anno primo sub die primo kalen[dae] augusti indictione prima feliciter. Monasterium sancti Zacharie prophete sito in Venetias^[2] ubi multas res a bonis hominibus delegate sunt ego in Dei omnipotentis nomine Notekerius venerabilis episcopus sancte Veronensis ecclesie et filius bone pie recordationis Adelmari ex Longobardorum genere^[3] do dono cedo trado atque offero pro remedio anime mee vel bone memorie Ingelfredo comes^[4] in suprascripto monasterio sancti Zacharie prophete de abbatissas in abbatissas usque in perpetuum, id est in integrum omnibus cunctis casis et rebus illis iuris proprietatis mee quas habere et possidere visus sum qui fuerunt iuris bone memorie Ingelfredi comes et sicut ab eo possessum est ut quod defensatum fuit et a me modo possessum atque defensatum est que positi sunt ipsos casis vel rebus illis in comitatu Montesilicano per ceteras locas. Id est primo curte qui dicitur Petriolo,^[5] secunda vero loco curte qui dicitur Proino, tercio vero loco curte qui dicitur Vereldi, quarto loco curte qui dicitur Zezoni ab ipsas suprascriptis curtis cum casis.^[6] Ea ratione ut usque dum mihi qui suprascriptus Notekerius venerabilis episcopus in hoc seculo Deus vitam consenserit omnia in mea reservo potestate tantum sub usufructuario nomine ad habendum diebus vire mee. Acto in civitate Verona feliciter. + Ego Notekerius venerabilis episcopus in hac cartula offersionis a me facta mano mea subscripsi. Signum manibus Dominico et Petro filius quondam Gariberto qui lege romana vivere visu sum testes. Signum Lupertus et Adelbertus et Bertaldo de Foriule testes. Ego Adelbertus notarius hanc paginam offersionis scripsi et postradita complevi et roboravi. Ego Odo Tarvisine civitatis notarius hoc ex autentico sumptum nichil addens vel minuens rescripsi.

NOTE STORICHE