S. T. In nomine Domini et salvatoris nostri Ihesu Christi. DCC et centesimo, sub die mense novembris, indicione tercia^[2], Senogallie^[3]. Breve recordacionis facimus nos abbas Dominicus de terra quam Sergius dux [d]edit pro anima sua in ecclesia Beati Archangeli Michaelis locis Brunduli^[4]. In primis in fundo Maiore, qui vocatur Campa[za]ni et in funde Valle et in fundo Gangarlici et in fundo Casa Pediti et in fundo Laterani et in fundo Pociano et in fundo Gualdisiolo et in fundo Zanula, que vocatur Pelagatula. A primo latere via publica que venit per valle ad montem Sancti Marci, a secundo latere alia via currente ad Sancta Maria Feleti, a tercio latere serra Maiore que vadit ad Sancto Vitale usque ad montem qui dicitur Ortetulo, a quarto latere rivo currente qui currit inter Maugnano et Casa Peditti usque ad viam que vadit a capite Campazani, qui vocatur Ronco Maiore, perveniente usque ad Ianula, qui vocatur Pelegatula. + Signum manus de infrascripti abbatis qui hec fieri rogavit. Signum manus Gaudencio in hac cartula rogatus testis. Signum manus Iohannis rogatus testis. S. T. Ego quidem Adam causidicus et imperialis notarius hanc cartulam ex autetico scriptum per manum Martini notarii de commitatu Senogallie exemplavi ne causa vetustatis consumaretur et a vermibus raderetur et quod inibi vidi et legi nec auxi nec minui, complevi et roboravi.

NOTE STORICHE