(S) Notitja iudicati, quem facimus, qualiter se congunserunt Petrus presbiter et abate monasterio Domini Salbatori sito monte Amiate^[1] unam cum Aldo de vico Aquabiola, qui erat abocato de ipso monasterio, cum Eribrandum, filiu bone memorie Gosperto, genus francorum, qui fuit abitator cibe Suana^[2], cum Petrus de Atrianam^[3], qui erat abocatus ipsius Eribrando, intro muro cibe Suana curte regi, in presentjia Leuprando gastaldio^[4] ipsius cibitatis Suanense, Stefano sanctissimo episcopus sancte sedis Suanense, Sassoni, Iubermanno, Ermimperto, Petroni isti scabini Suanensi^[5], Teudegrimo et Stefano Senensi, Teudilassi de Clusio, Liuperto scabino Pistorense^[6], Alperto, Ansicisi, Rodilando, Adelperto, Stefano, Dodo, Teudoni, Raidolfu, alius Stefanus, Guilleradus, Stefanus, Alfridi abocato, Leoprando, Poto, Morinco, Petrus, Deodatus, Ailxandrus, Ansiprandus, Cristianus et alii pluris. In istorum omnium cepit altergare et dicere Aldo, qui erat abocato de eidem Petroni presbiter et abati de parte suprascripto monasterio, abersus Eribrandus, filius Gospertu, et contra Petrus abocato suo: abemus ista cartula^a, quem Adelmi emiset de omne rebus suas de vico Familice, de mobile et inmobile, omnia et in omnibus in parte de suprascripto monasterio; volemus sapere, si tu nobis illa contendi. Tunc ipsi suprascripti iudici ipsa cartula legere fecerunt in sui presentjiis. Et ipsa cartula continebat, comodo Adelmi de vicu Familice íemiýemissiset omne rebus suis, mobile et inmobile, in integrum, et a pretjum recipatum, et publicu notariu scrista et testibus roboratam secundum legem. Tunc ipsi suprascripti iudici interrogaberunt ipse Eribrandum et Petrum abocato suo: quid dicitis de iste case et rebus de vico Familice, unde vobis iste Petrus presbiter et abate cum istu Aldo abocato suo ostende, si eam contenditis aut per carta, aut per testimonia aut per suscessione aut per qualibet argumentum ingenium? Tunc ipse suprascriptu Eribrandus cum Petrus abocato suo manifestabi et dixi: quia nec per cartulam nec per testimonia nec per suscessione nec per nullum argumentum nutu ingenium non ínoný abemus, per quem bobis Petroni presbiter et abati et Aldoni abocato tuo a parte de suprascripto monasterio contendere possamus ipsa suprascripta rebus, quem ista vestra kartula continet de Adilmi in bico Familice. Tunc ipsi suprascripti iudici taliter refutatjone et manifestatjione faciere audierunt in suis presentjis, faciente recte nobis conparuit esse, ita et iudicabimus, ut parte de ipsu suprascriptu monasteri aberem ipse case et rebus, sicut sua cartula continet, et parte Eribrando fuisse tacitus et contentus. Pro amputandi intentjione vel securirate [s]uprascripto monasteri per amunitjione de suprascripto gastaldiu et iudici Ermimpertum notarium et scabinum scribere amunuemus. Temporibus domno nostro Karulu imperatore sedem anno sesto, adque domno nostro Stefano summo pontifici et unibersali pape sedem anno primo, mense Iulius, indictione quarta; + Ego Stefanus episcopus ibi fui.
+ Ego Leuprandu gastaldio ibi fui. Ego Sasso scabinu ibi fui.
+ Ego Petru scabinu ibi fui. + Ego Adolbertu ibi fui. + Ego Raidolfu ibi fui.
Signum + manus Domnulo de Faucla ibi fui. Signum + manus Petro et Prandoni ibi fui. Signum + manus Alfridi ibi fui. Signum + manus Cristiano ibi fui.
[Signum] + manus Guillerado et Stefano ibi fui.

NOTE STORICHE